ନାନାଙ୍କ ଅକାଳ ବିୟୋଗ | ରାଜନେତାଙ୍କ ଶୋକ ବାର୍ତ୍ତା

ଭାରତୀୟ ସିନେମାର ଅନ୍ୟତମ ପ୍ରତିଭାବାନ ଓ ଦିଗ୍‌ଗଜ ଅଭିନେତା ଭାବେ ପରିଚିତ ନାନା ପାଟେକରଙ୍କ ପରଲୋକ ଘଟିଛି। ୭୫ ବର୍ଷ ବୟସରେ ଗୋଆରେ ହୃଦ୍‌ଘାତରେ ତାଙ୍କର ମୃତ୍ୟୁ ହୋଇଛି। ତାଙ୍କୁ ପ୍ରାୟ ୪୫ ମିନିଟ୍‌ ଧରି ସିପିଆର ଦିଆଯାଇଥିଲେ ମଧ୍ୟ ତାଙ୍କୁ ବଞ୍ଚାଯାଇ ପାରିନଥିଲା। ନାନାଙ୍କ ମୃତ୍ୟୁ ପରେ ରାଜନୀତି ମହଲରୁ ଶୋକ ବାର୍ତ୍ତା, ପ୍ରଧାନମନ୍ତ୍ରୀଙ୍କ ଠାରୁ ରକ୍ଷାମନ୍ତ୍ରୀ ସମସ୍ତେ ପଠାଇଛନ୍ତି ଶୋକ ବାର୍ତ୍ତା |

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବରିଷ୍ଠ ଅଭିନେତା ନାନା ପାଟେକରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ସେ କହିଛନ୍ତି, ନାନା ପାଟେକରଙ୍କ ଭଳି ଗଭୀରତା, ଅନନ୍ୟତା ଏବଂ କମାଣ୍ଡିଙ୍ଗ୍ ଉପସ୍ଥିତି ବହୁତ କମ୍ ଅଭିନେତାଙ୍କ ପାଖରେ ରହିଥାଏ।ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ନାନା ପାଟେକର ପ୍ରତ୍ୟେକ ଭୂମିକାରେ ଆଶ୍ଚର୍ୟ୍ୟଜନକ ବିବିଧତା ଏବଂ ସୃଜନଶୀଳତା ପ୍ରଦର୍ଶନ କରିଛନ୍ତି। ସେ ଚରିତ୍ରଗୁଡ଼ିକୁ ଚିତ୍ରଣ ଏପରି କରିଛନ୍ତି ଯାହା ପିଢ଼ି ପରେ ପିଢ଼ି ମନେ ରହିବ। ନାନା ସ୍ପଷ୍ଟବାଦୀ ଏବଂ ସ୍ପଷ୍ଟ ମତାମତ ପାଇଁ ଜଣାଶୁଣା ଥିଲେ।

ସେ ହିନ୍ଦୀ ଏବଂ ମରାଠୀ ସିନେମାରେ ଗୁରୁତ୍ୱପୂର୍ଣ୍ଣ ଅବଦାନ ରଖିଥିଲେ ଏବଂ ତାଙ୍କ ବିୟୋଗରେ ଏକ ଶୂନ୍ୟସ୍ଥାନ ସୃଷ୍ଟି ହୋଇଛି। ନାନା ପାଟେକରଙ୍କ ପରିବାର, ବନ୍ଧୁ ଏବଂ ପ୍ରଶଂସକଙ୍କ ପ୍ରତି ସମବେଦନା ପ୍ରକାଶ କରିବା ସହିତ ସ୍ୱର୍ଗତ ଆତ୍ମାର ଶାନ୍ତି ପାଇଁ ପ୍ରଧାନମନ୍ତ୍ରୀ ପ୍ରାର୍ଥନା କରିଛନ୍ତି। ରିପୋର୍ଟ ଅନୁଯାୟୀ, ଗୁରୁବାର ସକାଳେ ସେ ଗୋଆର ଡୋନା ପାଉଲାସ୍ଥିତ ତାଙ୍କ ଘରେ ଅଚେତ ଅବସ୍ଥାରେ ପାଇଥିଲେ ଏବଂ ତାଙ୍କୁ ମଣିପାଲ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ନାନା ପାଟେକରଙ୍କ ପୁଅ ମହ୍ଲାର ତାଙ୍କ ମୃତ୍ୟୁ ସମ୍ପର୍କରେ ଘୋଷଣା କରିଛନ୍ତି।